உண்மையைத் தேடி

உண்மையத் தேடியோர்

உண்மைகளின் பயணம்

உயரத்தின் விளிம்பில்

உண்மையின் தூக்கம்

விரும்பியோர் வழியில்

விரும்பாத காட்சிகள்

விருப்பத்தின் வடிவங்கள்

விதம்விதமாய் விழைந்திடும்

முடித்திடும் அவசரமும்

முடிந்திடாத ஆசைகளும்

முழுமையின் புரிதல்கள்

முழுவதுமே புதைந்திடும்

விளைட்டுத் திடலிலே

வகைவகையாய் விளையாட்டு

வருவதும் போவதுமாய்

வாசல்களில் வரிசையில்

முன்னொரு காலத்தின்

பின்னொரு விளைவுகள்

தன்னிரு கண்களுக்குள்

பிணைந்திடும் காட்சிகள்

வாழ்வெனும் திரையினில்

வண்ணத் திரைப்படமாய்

வாழ்ந்திடும் காலங்கள்

வரைந்திடும் காட்சிகள்

விடிந்திடும் பொழுதினில்

மறைந்திடும் நட்சத்திரங்கள்

புரிந்திடும் வேளையில்

உறைந்திடும் உண்மைகள்

சக்தி சக்திதாசன்

விடியலின் வனப்பு

மலர்கின்ற சூரியன் மெல்ல எழுந்தது,  

மழைக்கனிந்த மேகம் வானில் சிரித்தது,  

கிளிகள் கூவும் குரல் இசை போலே,  

காலை நேரம் கனிந்த கவிதைதான் இது.

பசுமை நிலம் புன்னகை பூத்தது,  

பனித்துளி இலைகளில் முத்தமிட்டது,  

காற்றின் இசை காதில் கசிந்தது,  

விடியலின் வண்ணம் மனதில் விழுந்தது.

தென்றல் தழுவும் நெஞ்சம் நிமிர்ந்தது,  

தெற்கில் சூரியன் தீபம் ஏற்றது,  

பறவைகள் பறந்தன பாட்டோடு,  

புதிதாய் பிறந்தது நாளின் தொடக்கம்.

வானம் வெண்மையாக விரிந்தது,  

விடியலின் ஒளி விழியில் நுழைந்தது,  

மனதின் மழை வாடை மறைந்தது,  

மலர்ந்தது வாழ்வின் புதிய பக்கம்.

காலையின் நறுமணம் காற்றில் கலந்தது,  

கனிந்த ஒளியில் கனவு விழித்தது,  

விடியலின் சிரிப்பு உலகை நனைத்தது,  

வாழ்க்கை ஒரு கவிதை என உணர்ந்தது.

சக்தி சக்திதாசன்

அதிசய உலகம் . . . ஏக்கத்தின் அதிர்ச்சி . ..

சின்னச்சிற்பி

சிதறித் தெறிக்கும்

மழைத்துளி

கண்ணப் பறிக்கும்

முத்தாக .. . .

அதிசயித்தேன் . . . .

வர்ணங்கள் பல

வண்ணச் சிறகுகள்

மெல்லப் பறக்கும்

வண்ணத்திப் பூச்சி . . .

அதிசயித்தேன்

சேற்றினில்

செந்தமாரையாய் முகிழ்த்திடும்

கதிரவனின் காதலியாய்

மலரும் 

மலர் கண்டேன்

அதிசயித்தேன்

அம்மா என்றே

அன்பொழுக

அழைத்து ஓடிடும்

பசுக் கன்றினைப்

பார்த்து வியப்பில் . . .

அதிசயித்தேன் . . 

வானமகள்

அந்திமாலையிலே

பொன்னிற ஆடை போர்த்தும்

அழகினைக் கண்டேன்

அதிசயித்தேன். . . .

மலையோடு

உறவாடியந்த முகில்

கொண்ட காதலினால்

பிறந்த ஊற்று

நதியாகி ஓடக் கண்டேன்

அதிசயித்தேன். . ..

பலகோடிச் செலவில்

பகட்டான மாளிகை

பல களிப்பாட்டங்கள்

மிதமிஞ்சி ஊசிப்போய்

வீசும் உணவுக் குவியல் . . .

அதிசயித்தேன் . . .

ஓலைக் குடிசைகள்

ஓவென்று கதறும்

பச்சிளங் குழந்தைகள்

பசியோடு வாடும்

பலநூறு பேர்கள்

ஐய்யய்யோ . . . .

அதிர்ந்தே போனேன். . . .

சக்தி சக்திதாசன்